點解你地咁醒知道我寫野既？

先報告一下 fy 進度：

其實應該一早就出架啦，點解天有不測之風雲，工作量增加，所以一日推一推，一個月推一個月，搞到而家都成半年仲未出，係度我好「深 情」向大家講聲「等下啦」！

聖誕返去，如果時間多既話，我會約人出黎架，難得「帥哥」出巡，圍觀人數一定唔少， 所以事先準備，上次返去唔搵女仔既原因，主要係女仔無手信，所 以 我都係 唔約你地出黎啦，男仔有手信，但係我又無 時間約佢出黎喎！

暫時 fy 出既最快時間係 1/10 前，原因呢排工作量大大減少，少得好誇張， 所以時 間多左好好好多！我會好努 力咁寫架啦！多謝支持！

ps... FY 可能換網主，本人讓賢，我做 admin !!! 應該無乜問題，我會挾天子以令諸侯！88

24, 25, 26 聖誕旅行，四丁友，去左 ZAKOPANE 滑雪，差少少無命返黎！

一到火車站，排隊搭的士都等左十五分鐘，去到住既地方，唔可以叫 hotel，因為無佢咁 high class ，只係一間木屋，生活好苦，間房入邊得兩張床！

搞搞d行理，就出去搵野食，好多間都無開門做生活，最後搵左間又平又好食，但係食左舊幾，不過好豐富，仲要打包拎走！

跟住係條街度影下相，同隻羊仔影相要五蚊，簡直搶錢！

返返木屋，訓左陣，叫左阿挺過黎打牌，跟住去訓，準備天日既行程！

第二朝七點就起身，落去食早餐，估唔到送既早餐都好多野食，唔錯！

跟住出去搵滑雪場，撞到個鬼佬，問佢滑雪場係邊，佢話跟住佢，跟住唔駛十分鐘就行到左啦，租左D滑雪板、鞋，先見到座山，諗唔到咁高，上左去，人地唔駛一分鐘就滑左落黎，我地四個搞左半個鐘，仲係半山，都唔駛滑落黎好定行落黎好，最後我決定，都係除板，行落黎算數！

落黎見到幾個FD，佢話呢度既LEVEL我地唔岩玩，等同自殺，介紹左一個無咁斜咁地我地玩，咁跟住就自殺多一陣，返木屋，又出去搵食，買野，堆雪人，好可惜失敗左！

第二朝，又好早起身，去左第一個場滑，果然唔駛再自殺，不過每次失手，都拖左成五米咁遠，係咪我太快，定係太勁，哈哈！

十二點返去退房，出去搵食，又買野，跟住坐火車返華莎，三日兩夜既旅行咁就完啦，返到屋企，先知成身好多地方都紫晒！^^

臨走前寫多次，今晚又要閃人了！

十點起身，十二點惠康有個 FD 約去食飯，食完佢諗起屋企仲係度煲湯，咁佢就走左啦，我自己去惠康買紫菜，再去萬寧買女人野，再去名古屋買蛋撻羅去個邊當手信，哈哈，好平！抵！

陣間好多行理，超重，好彩搵左人幫手羅，順便送埋機，上次有人送變左無人送，今次就唔會啦，我無特別意思！哈哈，你有你忙的！

請啊......